Meşhur taryhçy Ymadeddin Muhammet ibn Safyýýuddin Kätib Yspyhanynyň “Seljuklar nesilşalygynyň taryhy” atly eseri Seljuklar döwletiniň taryhyny beýan edýän iň irki we ygtybarly çeşmelerden biridir. Eser Magtymguly adyndaky Dil, edebiýat we milli golýazmalar institutynyň hazynasyndaky Angliýadan getirilen golýazma nusgasy esasynda arap dilinden türkmen diline terjime edildi.