Gündogarda: “Alyşir Nowaýyny bilseň, türküleri bilersiň” diýip, beýik baha mynasyp bolan Alyşir Nowaýyny nusgawy şahyrlarymyzyň hemmesi özleriniň halypasy hasaplapdyrlar. Şonuň üçin şu kitapda öz döwrüniň meşhur döwlet işgäri, alym, şahyr, şeýle hem halkyň howandary hökmünde halk döredijiligimiziň baýlaşmagyna uly goşant eden Alyşir Nowaýynyň türkmen edebiýatyndaky orny hakynda ylmy esasda gyzykly söhbet edilýär. Bu kitap ýörite hem ýokary okuw mekdebiniň talyp-mugallymlaryna we edebiýat bilen gyzyklanýan giň okyjylar köpçüligine niýetlenendir.