Berkarar döwletimiziň bagtyýarlyk döwründe neşir edilen VIII–XVII asyr türkmen diliniň sözlüginiň üç jiltligi türkmen ylmynyň taryhynda ilkinji gezek çap edilýär. Sözlük türkmen diliniň VIII–XVII asyrlara degişli ýazuw ýadygärlikleriniň esasynda taýýarlanyldy. Bu sözlük ýazuw ýadygärlikleriniň we düşündirişli sözlükleriň esasy aýratynlyklaryny özünde jemleýän özboluşly we düýpli leksikografik işdir. Sözlükde takmynan 31.200 töweregi gadymy türkmen sözi bolup, olaryň häzirki zaman türkmen dilinde aňladýan manylary berlip, düşündirişler bilen üpjün edildi. Sözlük türkmen diliniň taryhyny öwrenijilere, dilşynaslara, orta we ýokary okuw mekdepleriniň mugallymlaryna, talyplaryna, taryhçylara, türkologlara, etnograflara, şeýle-de giň okyjylar köpçüligine niýetlenilýär.