Uly terbiýeçilik ähmiýeti bolan “Totynyň hekaýatlary” atly çeper toplum hormatly Prezidentimiz Gurbanguly Berdimuhamedowyň tagallasy bilen Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň hazynasynda saklanýan halk döredijiligne degişli çeşmeler esasynda çapa taýýarlanyldy. Asly araplardan gaýdyp, Gündogar halklaryň, şol sanda hem türkmen halkynyň da hakydasynda galan, dilden dile geçip, halkyň islegine görä kämilleşip, millileşip şu günlere gelip ýeten ýygyndy ruhy gymmatlyklarymyzyň naýbaşydyr.