Hormatly Prezidentimiziň üznüksiz tagallalary netijesinde türkmen medeniýetiniň taryhy bilen baglanyşykly gadymy golýazma çeşmeleri düýpli öwrenilýär. Golýazma çeşmeleri esasynda taýýarlanylan bu kitaba türkmen halkynyň gadymy medeniýetiniň bir bölegi bolan aw guşlary bilen aw awlamaklyk hakyndaky eserleriň dört sanysy girizildi. Eserlerde türkmenleriň ulanan aw guşlarynyň köp dürlüdigi, şeýle hem aw guşlarynda duşýan keseller we olaryň emleri hakynda gürrüň gozgalýar.