«Pähim-paýhas ummany Magtymguly Pyragy» ýylymyzda ýurdumyzda giňden bellenilýän akyldar şahyr Magtymguly Pyragynyň doglan gününiň 300 ýyllygy mynasybetli «Aşgabat» gazetiniň redaksiýasynyň Aşgabat şäher häkimligi bilen bilelikde guramagynda Aşgabat şäheriniň ýaşaýjylarynyň arasynda yglan edilýän iň gowy makalalaryň we goşgularyň «Şygryýetiň göwher gaşy» atly döredijilik bäsleşiginiň Düzgünnamasy

Bäsleşigiň maksady:

Berkarar döwletiň täze eýýamynyň Galkynyşy döwründe Gahryman Arkadagymyzyň, hormatly Prezidentimiziň taýsyz tagallalary bilen edebi mirasy umumadamzat gymmatlygyna öwrülen Gündogaryň akyldar şahyry Magtymguly Pyragynyň eserleriniň gymmatyny, terbiýeçilik ähmiýetini, bu ugurda halkara derejesindäki alnyp barylýan beýik işleri halkymyzyň arasynda giňden wagyz etmek, okyjylar köpçüligine ýetirmek.

Bäsleşigiň şerti:

Döredijilik bäsleşigine möçberi 4 kagyzdan köp bolmadyk, öň metbugat serişdelerinde çap edilmedik makalalar, goşgular kabul edilýär. Hödürlenilýän eserlerde Magtymguly Pyragynyň eserleriniň gymmaty, ýaş nesilleri watançylyk ruhunda terbiýelemekdäki möhüm orny, Gahryman Arkadagymyzyň, Arkadagly Gahryman Serdarymyzyň parasatly baştutanlygynda beýik akyldaryň edebi mirasyny düýpli öwrenmekde alnyp barylýan işler çeper we täsirli beýan edilmelidir.

Bäsleşigi jemlemek:

Eserler 2024-nji ýylyň aprel aýynyň 30-na çenli kabul edilip, olaryň iň gowulary gazetde çap ediler. Döredijilik bäsleşigi Aşgabat şäheriniň güni mynasybetli dabaraly ýagdaýda jemleniler. Ýeňijiler gymmat bahaly sowgatlar bilen sylaglanylar.

Habarlaşmak üçin telefon belgilerimiz:
39-96-24, 39-96-34.