M.W.AKMÄMMEDOW hakynda

Türkmenistanyň demir ýol ulaglary ministri Mämmet Welmämmedowiç Akmämmedowy Türkmenistanyň Ministrler Kabinetiniň Başlygynyň orunbasary wezipesine bellemeli.

Türkmenistanyň Prezidenti Serdar BERDIMUHAMEDOW.
Aşgabat şäheri, 2026-njy ýylyň 13-nji noýabry.

 

Mämmet Welmämmedowiç AKMÄMMEDOW

1976-njy ýylda Ahal welaýatynyň Bäherden etrabynda doguldy. 2003-nji ýylda Türkmenistanyň Döwlet energetika institutyny tamamlady. Bilimi boýunça hünäri — ýylylyk energetikasynyň inženeri.

Zähmet ýoluna 1996-njy ýylda Aşgabat şäheriniň Baş kombinatynda başlady. 1998-nji ýylyň fewral — awgust aýlarynda “Türkmendemirýollary” müdirliginiň Büzmeýin stansiýasynyň nobatçysy, şol ýylyň sentýabryndan 1999-njy ýylyň fewralyna çenli “Gökje” hususy kärhanasynyň ekspeditory. 1999-njy ýylyň fewralyndan awgust aýyna çenli Magtymguly adyndaky Ýaşlar birleşiginiň mekdep bölüminiň instruktory. 2003-nji ýylyň awgustyndan 2006-njy ýylyň sentýabryna çenli S.A.Nyýazow adyndaky Büzmeýin döwlet elektrik stansiýasynda dürli wezipelerde işledi.

2006-njy ýylyň oktýabryndan 2018-nji ýylyň ýanwaryna çenli Türkmenistanyň Demir ýol ulaglary ministrliginiň düzümlerinde dürli wezipelerde işledi. 2018-2019-njy ýyllarda Türkmenistanyň demir ýol ulaglary ministriniň orunbasary. 2019-2020-nji ýyllarda Senagat we kommunikasiýa ministrliginiň Ulaglaryň we logistikanyň ösüşi müdirliginiň başlygy. 2020 — 2024-nji ýyllarda Senagat we gurluşyk önümçiligi ministrliginiň iş dolandyryş bölüminiň başlygy — iş dolandyryjysy. 2024-2025-nji ýyllarda “Demirýollary” açyk görnüşli paýdarlar jemgyýetiniň baş direktory. 2025-nji ýylyň iýul aýyndan bäri Türkmenistanyň demir ýol ulaglary ministri.

“Türkmenistanyň Bitaraplygynyň 30 ýyllygyna” atly ýubileý medaly bilen sylaglanyldy.

 

Türkmenistanyň Prezidentiniň PERMANY

D.G.SÜLEÝMANOW hakynda

Dörtguly Gurbangulyýewiç Süleýmanowy, Türkmenistanyň söwda we daşary ykdysady aragatnaşyklar ministri wezipesine belläp, ony “Türkmenpagta” döwlet konserniniň başlygy wezipesinden boşatmaly.

Türkmenistanyň Prezidenti Serdar BERDIMUHAMEDOW.
Aşgabat şäheri, 2026-njy ýylyň 13-nji noýabry.

 

Dörtguly Gurbangulyýewiç SÜLEÝMANOW

1987-nji ýylda Ahal welaýatynyň Gökdepe etrabynda doguldy. 2010-njy ýylda Türkmenistanyň Inžener-tehniki we ulag kommunikasiýalary institutyny tamamlady. Bilimi boýunça hünäri — awtomatika we tehniki ulgamlarda dolandyryş.

Zähmet ýoluna 2003-nji ýylda Ahal welaýat Alyjylar jemgyýetleri birleşiginiň Ruhabat etrap kooperatiw söwda taýýarlaýyş önümçilik birleşiginde başlady. 2004-2005-nji ýyllarda “Ahal” söwda taýýarlaýyş önümçilik kärhanasynda taýýarlaýjy bolup işledi.

2010-njy ýylyň awgustyndan 2019-njy ýylyň ýanwaryna çenli Awtomobil ulaglary ministrliginde dürli wezipelerde zähmet çekdi. 2019-2020-nji ýyllarda Senagat we kommunikasiýa ministrliginiň “Türkmenawtoulaglary” agentliginiň ykdysadyýet we maliýe bölüminiň baş hünärmeni, gözegçilik-derňew bölüminiň baş derňewçisi. 2020 — 2022-nji ýyllarda Senagat we gurluşyk önümçiligi ministrliginiň gözegçilik-derňew bölüminiň başlygy. 2022-2023-nji ýyllarda Maliýe we ykdysadyýet ministrliginiň Barlag-derňew müdirliginiň başlygy. 2024-nji ýylyň fewral aýyndan bäri “Türkmenpagta” döwlet konserniniň başlygy.

Türkmenistanyň “Watana bolan söýgüsi üçin” medaly, “Magtymguly Pyragynyň 300 ýyllygyna” we “Türkmenistanyň Bitaraplygynyň 30 ýyllygyna” atly ýubileý medallary bilen sylaglanyldy.

 

Türkmenistanyň Prezidentiniň PERMANY

B.A.ANNAÝEW hakynda

Batyr Amangeldiýewiç Annaýewi, başga işe geçmegi sebäpli, Türkmenistanyň Ministrler Kabinetiniň Başlygynyň orunbasary wezipesinden boşatmaly.

Türkmenistanyň Prezidenti Serdar BERDIMUHAMEDOW.
Aşgabat şäheri, 2026-njy ýylyň 13-nji noýabry.

 

Türkmenistanyň Prezidentiniň PERMANY

N.H.AGAHANOW hakynda

Nazar Halnazarowiç Agahanowy, başga işe geçmegi sebäpli, Türkmenistanyň söwda we daşary ykdysady aragatnaşyklar ministri wezipesinden boşatmaly.

Türkmenistanyň Prezidenti Serdar BERDIMUHAMEDOW.
Aşgabat şäheri, 2026-njy ýylyň 13-nji noýabry.

 

Türkmenistanyň Prezidentiniň PERMANY

A.A.KÜRTOW hakynda

Aýmyrat Amandurdyýewiç Kürtowy “Türkmenpagta” döwlet konserniniň başlygy wezipesine belläp, ony “Türkmenpagta” döwlet konserniniň başlygynyň orunbasary wezipesinden boşatmaly.

Türkmenistanyň Prezidenti Serdar BERDIMUHAMEDOW.
Aşgabat şäheri, 2026-njy ýylyň 13-nji noýabry.