Türkmenistanyň milli baýramy — Garaşsyzlyk güni mynasybetli Gresiýanyň halkynyň adyndan we hut öz adymdan Sizi tüýs ýürekden gutlaýaryn. Size abadançylyk, ýurduňyzyň halkyna bolsa ösüş hem-de rowaçlyk baradaky iň gowy arzuwlarymy beýan edýärin.

Katerina SAKELLAROPULU,
Gresiýa Respublikasynyň Prezidenti.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Siziň Alyhezretiňiz!

Alžir Halk Demokratik Respublikasynyň Hökümetiniň, halkynyň adyndan we hut öz adymdan Türkmenistanyň milli baýramy — Garaşsyzlygyň 32 ýyllygy mynasybetli Siziň Alyhezretiňize mähirli gutlaglarymy, şeýle hem Size berk jan saglyk, abadançylyk, dostlukly türkmen halkyna bolsa parahatçylyk, ösüş, rowaçlyk baradaky arzuwlarymy ýollamaga şatdyryn.

Pursatdan peýdalanyp we Türkmenistan bilen Alžiriň arasyndaky netijeli gatnaşyklara ýokary baha berip, biziň dostlukly halklarymyzyň bähbidine hyzmatdaşlygy ösdürmäge çalyşýandygymyzy tassyklamak isleýärin.

Siziň Alyhezretiňiz, Size tüýs ýürekden hormat goýýandygym baradaky ynandyrmalarymy kabul etmegiňizi haýyş edýärin!

Abdelmajid TEBBUN,
Alžir Halk Demokratik Respublikasynyň Prezidenti.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Hormatly jenap Prezident!

Nikaragua Respublikasynyň halkynyň hem-de Hökümetiniň adyndan we hut öz adymyzdan Türkmenistanyň Garaşsyzlygynyň 32 ýyllygy mynasybetli Size we doganlyk türkmen halkyna mähirli gutlaglarymyzy beýan edýäris.

Pursatdan peýdalanyp, biziň ýurtlarymyzydyr halklarymyzy birleşdirýän dost-doganlyk, raýdaşlyk, hyzmatdaşlyk gatnaşyklaryny mundan beýläk-de pugtalandyrmaga ygrarlydygymyzy tassyklaýarys.

Hormatlamak bilen,

Daniel Ortega SAAWEDRA,
Nikaragua Respublikasynyň Prezidenti.

Rosario MURILO,
Nikaragua Respublikasynyň wise-prezidenti.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Hormatly jenap Prezident!

Mongol halkynyň adyndan we hut öz adymdan Sizi we dostlukly türkmen halkyny milli baýram — Türkmenistanyň Garaşsyzlyk güni mynasybetli tüýs ýürekden gutlaýaryn.

Jenap Prezident, biz Siziň bilen dostlukly ýagdaýda 2022-nji ýylda Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisiniň barşynda hem-de 2023-nji ýylda Beýik Britaniýanyň we Demirgazyk Irlandiýanyň Birleşen Patyşalygynyň Patyşasy Çarlz III-ä täç geýdirmek dabarasy mahalynda duşuşdyk. Siziň bilen ýurtlarymyzyň arasyndaky hyzmatdaşlygy giňeltmek barada netijeli pikir alyşmaga dörän mümkinçilige şatdyryn.

Mongoliýa bilen Türkmenistanyň arasyndaky diplomatik gatnaşyklaryň ýola goýlan pursadyndan başlap, geçen 30 ýylyň dowamynda ikitaraplaýyn hyzmatdaşlygymyzyň sebit we halkara giňişlikde yzygiderli ösdürilýändigini bellemek ýakymlydyr. Jenap Prezident, halklarymyzyň bähbidine Siziň bilen mundan beýläk-de ysnyşykly hyzmatdaşlyk etmäge hem-de sebitde parahatçylyga, rowaçlyga ýardam bermäge meýillidigimi beýan edýärin.

Jenap Prezident, Mongoliýa bilen Türkmenistanyň arasyndaky dostlukly gatnaşyklary täze many-mazmun bilen baýlaşdyrmaga gönükdirilen özara bähbitli hyzmatdaşlygyň geljegi uly ugurlaryny kesgitlemek üçin Sizi biziň ajaýyp ýurdumyzda kabul etmäge şatdyryn. Hormatly jenap Prezident, iki ýurduň arasyndaky ikitaraplaýyn gatnaşyklary ilerletmek we ösdürmek hem-de bilelikdäki hyzmatdaşlygymyzyň täze taryhy sahypasyny açmak üçin Sizden özüňiz üçin amatly wagtda Mongoliýa gelmek baradaky çakylygymy kabul etmegiňizi haýyş edýärin!

Siziň parasatly we başarnykly baştutanlygyňyzda Türkmenistanyň mundan beýläk-de rowaçlanmagyny dowam etdirip, Merkezi Aziýa sebitiniň ösüşine saldamly goşant goşjakdygyna ynanýaryn. Pursatdan peýdalanyp, Size berk jan saglyk, bagtyýarlyk, Türkmenistanyň dostlukly halkyna bolsa parahatçylyk we rowaçlyk arzuw edýärin.

Tüýs ýürekden hormatlamak bilen,

Uhnaagiýn HURELSUH,
Mongoliýanyň Prezidenti.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Siziň Alyhezretiňiz!

Singapuryň halkynyň adyndan we hut öz adymdan Siziň Alyhezretiňize we türkmen halkyna Türkmenistanyň Garaşsyzlyk güni mynasybetli tüýs ýürekden gutlaglarymy, şeýle-de ýurduňyza hem-de halkyňyza parahatçylyk, rowaçlyk baradaky iň gowy arzuwlarymy beýan edýärin.

Tarman ŞANMUGARATNAM,
Singapur Respublikasynyň Prezidenti.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Dominikan Respublikasynyň Hökümetiniň we halkynyň adyndan, şeýle hem hut öz adymdan Siziň Alyhezretiňizi Türkmenistanyň milli baýramy — Garaşsyzlyk güni mynasybetli tüýs ýürekden gutlaýaryn. Siziň beýik halkyňyza rowaçlyk we abadançylyk arzuw edýärin.

Luis ABINADER,
Dominikan Respublikasynyň Prezidenti.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Siziň Alyhezretiňiz!

Türkmenistanyň Garaşsyzlyk güni mynasybetli Malta Respublikasynyň halkynyň adyndan we hut öz adymdan Siziň Alyhezretiňizi, ähli türkmen halkyny tüýs ýürekden gutlaýaryn.

Diplomatik gatnaşyklaryň ýola goýlan pursadyndan bäri Malta Respublikasy bilen Türkmenistanyň arasyndaky dialog netijeli häsiýete eýe bolup gelýär. Şunuň bilen baglylykda, halklarymyzyň umumy abadançylygynyň bähbidine ikitaraplaýyn hyzmatdaşlygyň pugtalandyryljakdygyna ynanýaryn. Biziň Birleşen Milletler Guramasy ýaly halkara we sebit guramalarynda agza bolup durýandygymyz esasynda şeýle hyzmatdaşlygyň mümkinçilikleri giňeldilip bilner.

Malta Respublikasy Ýewropa Bileleşiginiň Merkezi Aziýa boýunça Strategiýasy ýaly sebit gatnaşyklarynyň çäklerinde hem bu guramanyň we Türkmenistanyň arasyndaky özara hyzmatdaşlyga ýokary baha berýär.

Size berk jan saglyk, abadançylyk, Türkmenistanyň halkyna bolsa parahatçylyk, mundan beýläk-de ösüş we rowaçlyk arzuw edýärin.

Siziň Alyhezretiňiz, Size tüýs ýürekden hormat goýýandygym baradaky ynandyrmalarymy kabul etmegiňizi haýyş edýärin!

Jorj WELLA,
Malta Respublikasynyň Prezidenti.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Türkmenistanyň Garaşsyzlyk güni mynasybetli Sizi we türkmen halkyny tüýs ýürekden gutlaýaryn. Şeýle hem Size ýurduňyzyň durnukly ösüşiniň we rowaçlygynyň bähbidine alyp barýan işleriňizde üstünlikleri arzuw edýärin.

Kim ÇEN YN,
Koreýa Halk Demokratik Respublikasynyň Döwlet işleri boýunça Başlygy.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Siziň Alyhezretiňiz!

Iordaniýa Haşimit Patyşalygynyň halkynyň hem-de Hökümetiniň adyndan we hut öz adymdan Sizi Türkmenistanyň milli baýramy — Garaşsyzlyk güni bilen gutlamak mende ägirt uly kanagatlanma duýgusyny döredýär.

ABDULLAH II,
Iordaniýanyň Patyşasy.

 

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Siziň Alyhezretiňiz!

Sizi we türkmen halkyny Türkmenistanyň Garaşsyzlygynyň 32 ýyllygy bilen tüýs ýürekden gutlaýaryn. Pursatdan peýdalanyp, Siziň Alyhezretiňize tüýs ýürekden berk jan saglyk, bagtyýarlyk, Türkmenistanyň halkyna bolsa parahatçylyk, abadançylyk we rowaçlyk arzuw edýärin.

Siziň Alyhezretiňiz, Size tüýs ýürekden hormat goýýandygym baradaky ynandyrmalarymy kabul etmegiňizi haýyş edýärin!

Sultan Abdullah Riaýatuddin Al-Mustafa BILLAH ŞAH,
Malaýziýanyň Patyşasy.

 

Onuň Alyhezreti, türkmen halkynyň Milli Lideri, Türkmenistanyň Halk Maslahatynyň Başlygy jenap Gurbanguly BERDIMUHAMEDOWA

Siziň Alyhezretiňiz!

Sizi we ähli türkmen halkyny doganlyk Türkmenistanyň Garaşsyzlyk güni mynasybetli tüýs ýürekden gutlaýaryn. Bu baýram ýurduň her bir raýatynyň, şeýle hem türki döwletleriň halklarynyň kalbynda aýratyn orun eýeleýär.

Türkmenistanyň soňky ýyllarda ýeten belent sepgitleri Siziň adyňyz bilen berk baglanyşyklydyr. Goý, türki dünýäde dostluk we hyzmatdaşlyk gatnaşyklary mundan beýläk-de pugtalansyn!

Pursatdan peýdalanyp, Türkmenistana rowaçlyk we abadançylyk arzuw edýärin. Goý, Türkmenistanyň dünýä giňişligindäki abraýy has-da belende galsyn!

Çuňňur hormatlamak bilen,

Bagdad AMREÝEW,
Türki maýa goýum gaznasynyň prezidenti.

 

Onuň Alyhezreti, türkmen halkynyň Milli Lideri, Türkmenistanyň Halk Maslahatynyň Başlygy jenap Gurbanguly BERDIMUHAMEDOWA

Çuňňur hormatlanylýan Gurbanguly Mälikgulyýewiç!

Doganlyk Türkmenistanyň Garaşsyzlyk güni mynasybetli Siziň Alyhezretiňize Azerbaýjanyň we ähli Kawkazyň musulmanlarynyň salamyny we doga-dileglerini, Size hem-de doganlyk türkmen halkyna parahatçylyk, abadançylyk, ösüş, rowaçlyk baradaky arzuwlaryny ýetirmek hormaty meniň paýyma düşdi.

Pursatdan peýdalanyp, şu ýylyň sentýabr aýynda Duşenbe şäherinde Merkezi Aziýa döwletleriniň Baştutanlarynyň bäşinji konsultatiw duşuşygy mahalynda Siziň Merkezi Aziýa döwletleriniň Baştutanlarynyň Hormat nyşany bilen sylaglanmagyňyz mynasybetli tüýs ýürekden gutlaglarymy beýan etmek isleýärin. Beýik Biribardan Size berk jan saglyk, uzak ömür, Türkmenistanyň we türkmen halkynyň abadançylygynyň bähbidine alyp barýan asylly işleriňizde täze üstünlikleri dileýärin.

Türkmenistanyň döwlet Garaşsyzlygyny pugtalandyrmak we türkmen halkynyň abadançylygyny üpjün etmek işinde Siziň hyzmatlaryňyz bimöçberdir. Siz häzirki döwrüň umumy ykrar edilen syýasy Lideri, doganlyk türkmen halkynyň Arkadagy hökmünde Merkezi Aziýa döwletleriniň arasynda dostlugy, hoşniýetli goňşuçylygy pugtalandyrmak işine hem uly goşant goşýarsyňyz. Hut şoňa görä-de, Merkezi Aziýa döwletleriniň Baştutanlarynyň bäşinji konsultatiw duşuşygynda Siziň bu Hormat nyşanyna Merkezi Aziýa ýurtlarynyň umumy bähbitlerini we başlangyçlaryny halkara derejesinde wagyz etmek işinde uly hyzmatlaryňyz, şeýle hem döredijilige we oňyn ösüşe gönükdirilen köpýyllyk şahsy tagallalaryňyz üçin mynasyp bolandygyňyz örän adalatly bellenildi.

Biz, hemişe bolşy ýaly, Siziň Alyhezretiňiziň dost-doganlyk gatnaşyklaryny, Türkmenistan bilen Azerbaýjanyň arasyndaky özara bähbitli hyzmatdaşlygy pugtalandyrmak işinde aýratyn hyzmatlaryňyza ýokary baha berýäris. Siziň ünsli garaýşyňyz mende hemişe buýsanç duýgusyny döredýär we ýene-de Siziň bilen duşuşyp, parasatly gürrüňleriňizi diňlemek isleýärin.

Siziň Alyhezretiňiz, Sizi we doganlyk türkmen halkyny ýene-de bir gezek Garaşsyzlygyň 32 ýyllygy bilen gutlaýaryn! Beýik Biribardan Siziň Türkmenistanyň abadançylygynyň bähbidine alyp barýan işleriňizde rowaçlyk dileýärin.

Goý, Gudraty Güýçli Allatagala biziň halklarymyzy öz penasynda aman saklasyn, Azerbaýjan bilen Türkmenistanyň doganlygyny müdimilik berkitsin!

Çuňňur hormatlamak bilen,

Şeýh-ul-Yslam Allahşukur PAŞAZADE,
Kawkaz musulmanlar müdiriýetiniň başlygy, GDA-nyň Dinara geňeşiniň gezekleşikli başlygy.