Türkmenistanyň halk ýazyjysy, Magtymguly adyndaky döwlet baýragynyň eýesi Kerim Gurbannepesowyň millilige ýugrulan şahyrana eserleri çeper edebiýatyň muşdaklarynyň uludan-kiçi ählisini bendi edýär. Çünki onuň goşgularydyr poemalary ündeýän oý-pikirleriniň geriminiň örän giňligi, many-mazmunynyň biçak baýlygy, diliniň çeperligi, halkylygy bilen tapawutlanýar. Milli şygryýetimiziň läheňi saýylýan görnükli söz ussadynyň saýlanyp-seçilip, ýaş okyjylarymyzyň dykgatyna hödürlenýän dürdäne eserleri olaryň hiç haýsyny asla biperwaý goýmaz.