Abdyrahman Jamy (1414–1492) diňe bir Gündogar edebiýatynyň däl, eýsem, dünýä edebiýatynyň hem beýik söz ussatlarynyň biri hasaplanylýar. Onuň özünden soňky nesillere galdyran baý hem köptaraply edebi mirasy indi ençeme asyr bäri düýpli öwrenilýär, dünýäniň dürli dillerine terjime edilýär. Hormatly okyjylar! Eliňizdäki kitaba beýik ussadyň iri eserlerinden «Isgenderiň paýhas kitaby» atly poemasy we akyl-parasata, öwüt-nesihata ýugrulan çuň manyly hekaýatlarynyň ençemesi girizildi.